Tash Ke Ghar – تاش کے گھر
Tash ke ghar banaey baithi hon
Kaanch ke par lagaey baithi hon
Rasm E Yaaraan ko torna hoga
Hosley yun barhaey baithi hon
Har taraf Dhal rahe hain andhiyaarey
Dil ka deepak jalaey baithi hon
Ghonsley wo parind chor gaey
Aas jin ki lagaey baithi hon
Yaad zanjeer baandh sakti hai
Paon apne chupaey baithi hon
Mein sitara hon uski qismat ka
Aas uski lagaey baithi hon
Bujh bhi sakta hai ye diya Naina
Jo hawa se chupaey baithi hon
Farzana Naina 
Comments»
No comments yet — be the first.