Khula Dareecha – کھلا دریچہ
Zara Si deir Yahan Roshni Uterne Do
Zara Si Deir Meri Saas Ko Mehekne Do
Khushi Ki Jout Liye Sansanati Purwaee
Palak Palak Pe Meri Khwab Tankney Aee
Zara Badan Mein Koi Roshni Si Bhar Jaaye
Aur Is Se Pehle Ke Ye Chandni Bikher Jaaye
Zara Charagh Ko Dheema Sa Geet Gaaney Do
Kisi Umeed Ka Paani Naddi Mein Behne Do
Kisi Ke Aaney Ki rehne Do Aas Pehlo Mein
Mujhe Khaber Hai saweron se Ujla Ye Manzar
Mere Gulaabon Ko Sehra Ki Reit Ki Jaanib
Shabon Ki Neeli Udaasi Ke Rang Pehna Ker
Subuk-rawi Se Judaa Raaston Pe Bhejey Ga
Us Eik Pal Hi Mere Chehre Ki Udaasi Per
Kahani-Kaar Ne Mushtaq Gehri Nazron Se
Merey Sarapaa Mein Gum Hokey Muskura Ke Kaha
Zara Si Deir Dareecha Khula Hi Rehne Do
Zara Si Deir …. Dareecha Khula Hi Rehne Do !!!
-
MIrza A A Baig Wah,kya undaz hai.Khuda karay ye daricha hamesha hi khula rahay.
29 October 2008 at 23:20 -
Syed Ahmad Naqvi Unmatched poetry.i am proud of my self as well as i am proud of you coz i have such a talented friend.Keep it up.
05 November 2008 at 19:46 -
Muslima Aysha such a beautiful gazal
20 November 2008 at 10:17 -
MahMood Malik Zera se Dear
Deracha khula he rahny do
——————————————
Derach khaly rakhny ka der tu nahee koie
surdeyoun ka mosam ha zera khyaal rakhna01 December 2008 at 19:48 -
Naheed Virk Farzana G, niyaahat haseen khayaal nazm kiyaa hai aap ne. buhat umdah!
21 January 2009 at 19:33 -
Nasim Syed hey I didn’t know you are a poet ..wah kya khoob soorat hey post more of your poems buhat khoob
21 January 2009 at 19:37 -
Bohat hee maan sey tum nay kaha
-
Nasreen Syed Wah sahaili, yeh kahaN sey nikaal key laai ho? Lagta hai abhi bohat saa achha “maal” tum ney alag bandh key rakha hooa hai. Bohat khoobsoorat. Wah Wah.
21 January 2009 at 19:49 -
Razi Ud Din Razi zara see dair dareecha khula hi rehnay do
khoobsoorat nazm hy aap ki
daad qabool kijiay
thanx
razi22 January 2009 at 10:04 -
Syed Abeer Abbas Zaidi waah waah waah…..lafzon mein lafzon ki daad nahi de sakta…suraj ko diya dikhaane waali baat ho jaayegi…..bas yehi keh sakta hoon bohat khubsurat nazm hai!!
22 January 2009 at 13:14 -
Rakhshanda Naveed ktnee dheemi madham meethi or romantic faza hai is nazm ki . lkd really
22 January 2009 at 19:42 -
Tashie Zaheer Khoobsoorat lafzoan ke deeda zeb rangoN meN nahaee hooi aur lateef jazbaat o ehsasaat se buni hooi is nazm ki takhleeq par mubarakbaad qubool kijiey.
Presentation ne nazm ke husn ko chaar chand laga diey heN.22 January 2009 at 20:13 ·
Farzana Naina 
WOH DUSTUK NA DY
HY BAAT BHALI!!!
AY DIL K DER
RAHY KUNDI KHULI………………………………..