Basi Hai – بسی ہے یاد کوئی
Basi hai yaad koi aa ke mere kajal mein
Lipat gaya hai adhora khayaal aanchal mein
Mein seep hon so mujhe apne dil mein rehne do
Gohar bana nahein kerte hain eik do pal mein
Usi charaagh ki lau se ye dil dharakta hai
Jaley rakhti hon jisko shab E musalsal mein
Tapak rahe hain dar O baam se mere aansoo
Chupe huey thay abhi tak wo jaise badal mein
Mein zindagi ke liye phool chun’na chahti hon
Kahein udaas na ho wo khizaan zadah kal mein
Khizaan ka daur hai lekin kisi kichahat se
Dharak rahi hai bahar eik eik kounpal mein
Mein titliyon ki tarah beqarar hon Naina
Udaasiyon ko liye khwahishon ke jungle mein
Farzana Naina 
so beautiful poetry ,excellent presentation.
Thanks a lot.
Wah bahut umda aap ka ghazal mujhe bahut achcha laga
Mujhe shairi se kafi dilchaspi hai
waise main abhi 11th meN pardhta hoon Is wajah se ghar se kuch tambi milti hain lekin mai shairi partha rahta hoon
good g