Kabhi thori si – کبھی تھوڑی سی دانایٔ
Kabhi thori si daa’naee bohut be’chain karti hai
Wo larki jo hai sau’daee bohut be’chain karti hai
Lakeeron par likhe ho tum na qismat ke sitaron mein
Muqadder ki ye tan’haee bohut be’chain karti hai
N’jane kis liye dil mein musalsal karb thehre hai
Samunder si ye geh’raee bohut be’chain karti hai
Mehal mein koi shehzadi kabhi zinda nahein dekhi
Mujhe meri ye bee’naee bohut be’chain karti hai
Hawa kimouj har janib teri tash’heer kar aayee
Marasim ki pazi’raee bohut be’chain karti hai
Na’jane le urein dekho kahan ye meherbaan jhonke
Mujhe ye narm pur’waee bohut be’chain karti hai
Kise maloom tha is raah mein kho jayeingay naina
Haqeeqat se shana’saee bohut be’chain karti hai
Amjad Rasheed very good
22 April at 13:11
-
Majid Janjua hawa ki mooj har janib teri tasheer kar aai,marasim ki pazeraai bohat baichain karti hay,wah wah bohat umda naina ji very nice
22 April at 23:08 -
Nimra Ahmed Ahmed i liked this ghazal much
08 May at 15:06 -
Rizwan Ali Abbasi very nice ghazal, ….
22 August at 12:16 LikeUnlike
very nice
Nice poetry with great presentation.
bahut khoob kya likha hai aapne