jump to navigation

Kab Tum – کب تم مجھ کو یاد کروگے

Waqt ke uljhe uljhe dhaage

Jab dil tor ke chal deingay

Pag’dandi per peele pat’tey

Tumko tanha dekheinge

Pei’ron ke seene par likhe

Naam bhi ho jaein tehleel

Aur hawa bhi simt ko apni

Kar jaey yak’dam tabdeel

Bheeni bheeni khushbo humko

Har ik gaam pukare gi

Kar ke yakh’basta jab humko

Barf us paar sidhare gi

Dhoop sada’on ke sikkey jab

Kaanon mein khankaey gi

Garja ghar ki oonchi burji

Chand ka chehra choome gi

Baarish, muskaanon ke moti

Pat’thar pe jab phorey gi

Aur barasti boondon ke

Dhaaron par dhaarey jorey gi

Garm garm angaaron jaise

Aansoo aankh se ubleingay

Dil ke armaan ik muddat ke Baad t

Tarap kar nikleingay

Jab ehsaas ki dunya mein phir

Aur na ghunghroo chankeingay

Sirf kha’moshi goonje gi tab

Aane wale mausam ki

Khirki par dastak bhi na hogi

Kisi sureeli rim jhim ki

Shaam ke san’nattey mein badan par

Coat tumhara jhoole ga

Yaadon ka lams ta’tolay ga

Gho’ur udaasi choo le ga

Oonchi oonchi baaton se tum

Khamoshi mein shor karogay

Geet purane sun kar

Thandi saansein bhar kar

Bhor karo gay

Us pal shab ki tanhai mein

Apne dil ko shaad karogay

Bolo mujhko YAAD karo gay ???

%d bloggers like this: