Tere Khayaal Se – ترے خیال سے
Tere khayaal se aankhein milane wali hon
Naey suroop ka jadoo jagane wali hon
Mein seint seint ke rakhey huey lihaafon se
Tumharey lams ki garmi churane wali hon
Usey, jo dhoop liye dil ke gaon mein utra
Rehat se “chah” ka paani pilane wali hon
Kaho ke chaon meri khud sameit ley aa ker
Mein ab ghata ka paranda hilaney wali hon
Jahan pe aam ki guthli dabi thi bhoobal mein
Wahein pe apne dukhon ko tapaney wali hon
Mein dar ke harey jungle ki neelgon raahein
Gulabi aankhon se jaa ker chupaney wali hon
Uss algani pe latak’tey laraztey qatron se
Kisi ki surmai aankhein sajaney wali hon
Wah.. Kia kehnay
Bahut khoob
Imtiaz Ali Gohar